احصائيات
هذا المنتدى يتوفر على 32572 عُضو.
آخر عُضو مُسجل هو funberd فمرحباً به.

أعضاؤنا قدموا 339623 مساهمة في هذا المنتدى في 32665 موضوع

طريقة تخزين الخضروات

استعرض الموضوع السابق استعرض الموضوع التالي اذهب الى الأسفل

طريقة تخزين الخضروات

مُساهمة من طرف نعناعه في الأربعاء 4 يونيو - 3:11

طريقة حفظ البطاطس بالفريزر زى فارم فريتس






طريقة سهلة جدا وسريعة لحفظ البطاطس بالفريزر
مع الاحتفاظ بلونها الابيض دون تغيير وبدون قليها قبل التجميد

1. قشرى البطاطس وقطعيها صوابع أو مربعات او حتى شرائح
حفظ البطاطس

2. ضعى على النار حلة بها ماء واتركيها تغلى

3. بعد الغليان اضيفى ربع كوب خل للماء

4. ضعى البطاطس اثناء غليان الماء + الخل

5. بعد حوالى 5 دقائق ستبدأ الماء بالغليان مرة اخرى
وبداخلها البطاطس

6. صفى البطاطس واغسليها بالماء البارد لوقف طهيها
(مثل المكرونة)تبريد البطاطس

7. اتركيها لتبرد ثم ضعيها داخل اكياس واحتفظى بها فى الفريزر
تجميد البطاطس

8. فبل قليها يفضل غسلها بالماء الساخن لنزيل الثلج عنها
وتصفى جيدا ثم تقلى فى الزيت او طبخها بالطريقة المفضلة

ملحوظة:

- لاتتركى البطاطس بالماء المغلى اكثر من المدة المطلوبة .

- عند اخراجها من الفريزر لا تحتاج لوقت قبل القلى
( فقط اخرجيها من الفريزر ثم اشطفيها وصفيها وبعدين اقليها).
تجميد البطاطس

وبالهنا والشفاء





طريقة تخزين البازيلاء






مقادير حفظ بازيلاء

1 كيلو بازيلاء
نصف كليو جزر
نصف ليمونه
ماء

طريقة تحضير حفظ بازيلاء

تفصص البازيلا و تنظف جيداً بالماء يغسل الجزر و يقطع صغير فى قدر على النار يوضع كمية من الماء و عصير نصف ليمونه
و يترك ليغلى تضاف البازيلا و الجزر و عند الغليان ترفع من على النار لمدة 4 دقائق تصفى و تفتح عليها الماء الباردة لمدة دقيقتين للمحافظة على لونها الاخضر وعلى خواصها الطبيعية ثم تترك لتبرد و تعبئ فى اكياس ثم توضع فى الفريز




طريقة تخزين الكوسة







الكوسة لها اكتر من طريقة تخزين على حسب الطبخى االلى هتتعمل بيها :

لو هنستخدمها لعمل الصنية او شوربة الخضار:

هنجيب الكوسة ونغسلها كويس ونضفها من القشرة ونقطعها مكعبات او حلقات بس تكون طخينة شوية علشان متتهراش فى السوا وبعدين نكون مجزين ماية بتغلى وماية بتلج
هنحط الكوسة تاخد غلوة واحدة وبعدين نزل بيها فى الماية اللى بتلج وبعدين نحطها فى مصفى للتخلص من باقى الماية وبعدين نعبيها فى اكياس وعلى الفريزر

لو هنستعملها فى صنية بالبشاميل :

هنغسلها نقشرها ونقطعها على حسب الرغبة ونكون مجهزين طاسة فيها زيت بس مش كتير وننزل بالكوسة فى الطاسة لغاية ما تاخد لون ونطلها على ورق مطبخ للتخلص من باقى الزيت ولما تبرد نحطها فى كيس نايلون وندخلها الفريزر

لو هنستعملها للحشو:

هنغسلها ونقشرها ونقورها ونغسلها تانى ونسبها تتصفى خالص
وبعدين نحطعا فى اكياس وعلى الفريزر

ملحوظة بقى هامة جدا :

الكوسة بتستوى بسرعة واحنا لما بنحفظها ونطلعها علشن الطبيخ نخلى بالنا كويس علشان مش تتهرى لانها اصلا بتبقى مستوية نص سوا وكمان التجميد بساعد على سواها بسرعة





طريقة تخزين الباذنجان للمحشى





هتجيبي الباذنجان وتاوريه وتغسليه
وبعدين تجيبي طاسه وتحطي فيها معلقتين زيت وتشوحي الباذنجان
تشويح بس مش تحوريه وبعدين تحطيه في مصفي
ولما يبرد في كيس وعلي الفريزر وتطلعي وتحشي وتاكلي بالف هنا





طريقة تقطيع و تخزين القلقاس بالصور خطوة خطوة





اول حاجه حاولي حجم القلقاسه يكون يااما على قد اكله واحده
او تكفي اكلتين و تقسميها على مرتين علشان القلقاس
يكون كله سواه واحد
تاني حاجه انا باقطع القلقاس و اشيله واحده واحده مش باخلط كل الكميه على بعضها و بعدين افرزها برضه علشان نفس السبب ان لو في واحده ممكن سواها يتأخر ما تبوظ ليش باقي الاكلات ..

خطوه احتياطيه مش اكتر

اول حاجه هاتي القلقاسه

شيلي القطعه اللي فوق
اقسميها بالنصف

قطعيها شرحات سمك سنتى او زي ما تحبي

قشري الشرحات دي و قطعيها بالطول و بعدين بالعرض
علشان يكون عندك مكعبات و لازم تحاولي يكونو كلهم حجم واحد

اغسلي القلقاس كويس ممكن كمان بمايه دافيه و اغسليه كذا مره و كبي الميه كل مره لغايه ما تلاقي لون الميه بتاعت غسيله اتحولت من اللون ده

علشان يكون النشا خرج كله
صفيهم كويس و شيليهم على طول في الفريزر الكيس لاكله واحده

وقت ما تطبخيهم طلعي الكيس بتجميده و حطيه في الشوربه المغليه و سيبه يفك على النار و يستوي و اطبخيه زي ما تحبي
avatar
نعناعه
المديـر العـام للمنتديات الترفيهية

الجنس : انثى
المشاركات : 2767
الانتساب : 29/04/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى