|
السبت 11 يناير - 21:55 | المشاركة رقم: 1 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
كيفية المشاركه بموضوع في المنتدى (للاعضاء الجدد شرح بتفصيل) السلام عليكم ياأعزاء هذا موضوع فيه كل الشرح بتفصيل لأي عضو جديد حب يشارك بموضوع معين سأبدء الشرح من الالف للياء ونبدء طبعا حتختارو القسم اللي يعجبكم وحابين تششاركو فيه بعدها اضغطو على كلمة موضوع جديد بتلقوها قدامكم طوالي اول ماتدخلو القسم لما تضغطو على كلمة موضوع جديد بتظهر لكم الصفحه فيها ايقونات متعدده حنبدء نشرح فيها وحده وحده يلا نبدء من اليمين اول وحده بنلقى فيها حرف B وهي بتتحكم في حجم الخط فلما تضغط عليها وتبدء في الكتابه بيطلع حجم االخط متغير اللي جنبها على شكل حرف (I) وهي كمان تتحكم في تغيير شكل الخط وتجعله مائل زي كذ الله اكبر لا حظو انه الخط صار مائل الايقونه اللي بعدها وشكلها فيها حرف (U)تحته خطوهي ايضا تتحكم في تغيير الخط فلما نضغط عليها ونكتب حتصير زي كذا (الله اكبر) الايقونه اللي بعدها فيها حرف (S)عليه خط وهي ايضا تتحكم في حجم الخط ولما نضغط عليها ونكتب عادي حتصير كذا ( من شرح المستطيل الاول للأيقونات وهو التحكم بشكل الخطوط مائله او عاديه او عليها خط ------------------------------------------------------------------------------ المستطيل الثاني للايقونات فيه اربع مربعات صغيره وكلها بتلاحظو انها فيها خطوط صغيره تحت بعض فأما هي للتحكم في موضوعكم عايزين انه يكون انه لليسار خذو انحياز لليسار ومثال زي هذا (الله اكبر) خليتها في اليسار وهنا عايزاها انحياز لليمين (الله اكبر) ضغطت عليها وجات لليمين واما هنا ضغطت ايقونة المربع الثاني وظهرت لي توسط في السطر وبنسبة للمربع الاخير هو اللي يخلي كتاباتكم تتوسط السطر كله ---------------------------------------------------------------------------------- بالنسبة للمستطيل الثالث بتلاحظو انه فيه ثلاث مربعات ايقونات فيها خطوط صغيره برضو تحت بعض ياترى ماهي فايدتها لما نشوف المربع الاول يعني قائمه نقطيه نضغط عليها وبتكون شكلها زي كذا
المربع الاخير ويعني ادراج سطر افقي نضغط عليه وبيكون بهذا الشكل الله اكبر الله اكبر -------------------------------------------------- بالنسبة للمستطيل الرابع وهو ايضا سهل فبتلاحظو انه المربع الاول فيه على شكل غمامه وهو لادراج اقتباس فتضغطو عليه بتلقو مربع صغير حطو فيه الكلام واضغطو ادراج بيطلع بهذا الشكل والمربع الثاني اللي عامل زي شكل ورقه هو لوضع الاكواد المبرمجه وبتكون بها الشكل والمربع الثالث لاخفاء الرد تضع فيه اللي عايزه وتضغط ادراج والمربع الرابع اخفاء مقترن باالمساهمات والمربع الخامس والاخير لادراج جدول ------------------------------------------------------- نجي للمستطيل الخامس بنلقى المربع الاول وهو على شكل صوره خضراء وهو لرفع صوره والمربع الثاني وهو شبيه به بس شكله فيه لون ازرق وعليه دائره خضراء وهو لادراج صوره معينه كل اللي عليك عمله تعال عند الصوره اللي عايزها وانسخ رابط الصوره وبعدها تعال على مربع الصوره واضغط عليه بيظهر لك كلمة رابط وتحته مربع صغير ضع رابط الصوره اللي نسختها في المربع الصغير وخذ كلمة ادراج وبتظهر الصوره حالا وبعد ماتنتهي من موضوعك اعمل ارسال والمربع الثالث اللي شكله على رقم8 بس مقلوبه وعليها دائره خضراء صغيره فهذه الايقونه عملها انها تخفي رابط موقع معين مثال اختار موقع خاص باالادعيه الدينيه وانسخ رابط الموقع من اعلى الصفحه وتعال عند هذه الايقونه بتلقى مكتوب كلمة رابط وتحته مربع صغير الصق فيه عنوان الموقع وبتلقى كمان مكتوب كلمة وصف حقل اختياري وتحته مربع اكتب في المربع مثلا كلمة للمتابعه من هنا وخذ ادراج بتلاحظ انه ظهرت كلمة للمتابعه من هنا ولما يضغط عليها واحد بتوديه لموقع الادعيه الدينيه وبنسبه للمربع الرابع اللي فيه علامة اليوتيوب هو خاص للمشاركة بمقاطع من اليوتيوب تدخلو على موقع اليوتيوب وتختارو المقطع اللي عايزنه وتنسخو رابطه من اعلى الصفحه فوق لنفس المقطع وتعالو عند الايقونه واضغطو عليها بتلقو مكتوب رابط وتحته مربع الصقو في المربع الصغير رابط مقطع اليوتيوب واضغطو ادراج واعملو ارسال للموضوع وبعدها يظهر المقطع والمربع الخامس اللي لونه ازرق وفيه زي رسمه بذهبي هو خاص بموقع ديلي موشن وتعملوا فيه نفس شرح موقع اليوتيوب تختارو مقطع تنسخو رابطه وتلصقوه في اليقونه وتاخذو ادراج وترسلوه عادي الايقونه السادسه وهي فلاش خاصه بروابط الملفات الفلاشيه -------------------------------------------------------- المستطيل السادس وهو سهل جداالمربع الاول اللي فيه حرف Aجنبه سهم وهو يتحكم في حجم خط الكتابه تضغطو عليه بتظهر لكم ارقام هي 7-يعني خط صغير 9 يعني خط اكبر و12 يعني خط اكبر من 9 و18 يعني خط اكبر من 12 و24 وهو اكبر حجم للخط والمربع الثاني بتلقو فيه الوان احمر واصفر وماالى ذالك وهذا معناه تختارو اللون اللي يعجبكم للموضوع والمربع الثالث اللي فيه حرف Aهو يعني نوع خط الكتابه --------------------------------------------------------------- المستطيل السابع والاخير المربعين الاوائل اللي فيه لتحديد التوقيت والتاريخ فقط تغطو عليه بيطلع معاكم زي كذا 11.01.2014 21:51:15 والمربع الثالث هو لموضوعكم المنسوخ والمنقول تضغطو عليه وتضعو فيه موضوعكم في المربع الكبير وتاخذو ادراج اتمنى الشرح يكون وافي وكافي واللي عنده سؤال يسأل ومايخجل ومستعده للشرح من جديد دمتم بود | |
مواقع صديقة
|