بسم الله الرحمن الرحيم

حبيت احكيلكم بعض من المواقف الطفولية الي اكيد كل واحد منكم له ذكريات فيها
و له مواقف مضحكة في ايام طفولته...

نبدأ...

تقول وحده من الأمهات .. ‏كنت معزومه على حفل ‏عشاء فأخذت ابنتي الصغيرة معي ، فلما جلسنا حول البوفيه ظنت انه مطعم وقالت بصوت ‏عال : هذا الأكل بفلوس و إلا ببلاش ؟؟ فضحكوا عليها الحاضرات..



وحده ‏تقول .. ‏زوجي كان عنده ضيوف على العشاء وحطيت العشاء كله لهم وكان ولدي يبي ‏يتعشى قلت له: إذا خلصوا الرجال بنتعشى.. رحت أصلح لهم الشاي ... راح ولدي دخل على ‏الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!! شوفوا وجه ‏أبوه وقتها ....!!!



‏وحده تقول ...‏بنتها دايم ‏تحرجها بنقل الكلام قدام الناس هذا عيب اللي يحش بالناس - تقول : مره كنت أكلم ‏صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت ‏تجلس عندي بالساعات في بيتي وتحب الكلام الكثير ومره دق الباب

وطلعت جارتي قلت لها : ‏تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي ‏إنتي ما تحبينها !!! طيب ليش تدخلينها البيت ...!!! تقول الأم : صار وجهي مية لون ..!!!! ‏ويوم سمعت جارتي هذا الكلام زعلت وطلعت من البيت ....!!!


" الاطفال صراحة فضايح"


هذي احلى ..اسمعوا


‏تقول أخرى ....‏هذا موقف حصل لي ومع أقاربي : كنا ‏بنصلي المغرب جماعه في إحدى الاستراحات وكان أمامنا طفلين , الأول يقول للثاني : ‏أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه ‏بكثير : اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة .!!!



‏في المدرسة ...‏كانت المعلمة تشرح لطالبات الصف ‏الثالث الابتدائي عن وسائل الاتصال الحديثة مثل الهاتف والتلكس والبريد الجوي ‏والفاكس فرفعت إحدى الطالبات الصغيرات يدها وقالت: أبله حنا عندنا فاكس في البيت ‏عند جدتي وتستعمله كل يوم....!! فشجعتها المدرسة على إكمال حديثها وقالت: وكيف ‏تستخدمونه؟؟؟ فقالت الطفلة: تدهن به ...- البنت بالطبع كانت تقصد دهون الفكس- ....!!!!!




‏إحدى الأمهات اعتادت أنها ترى ابنها الصغير ‏يطارد الدجاجات ويدخلها إلى محلها ويحرص على إ بقاء الديك في الخارج وعندما سألته عن ‏السبب قال: ذولا حريم ما يطـلعـن من البيت ويشوفن الرجال....!!




‏أيضاً ‏في المدرسة ...‏طفلة في الروضة كانت تعبث بأنفها أثناء الحصة ... فانتقدتها ‏المعلمة وقالت لها استعملي المنديل عيب اتسوين كذا فأجابت الطفلة ‏لا مو عيب !! ‏بابا يسوي كذا !!!!


منقــــــــــــــــــــــــــــول


اذا ظليت اكتب عن قصصهم ما راح اخلص ابدا

بس ان شاء الله ذكرتكم بايام الطفولة