هذه مُجرَّد مُعاينة لتصميم تم اختياره من موقع Hitskin.com
تنصيب التصميم في منتداك • الرجوع الى صفحة بيانات التصميم
هذه مُجرَّد مُعاينة لتصميم تم اختياره من موقع Hitskin.com
تنصيب التصميم في منتداك • الرجوع الى صفحة بيانات التصميم
|
الخميس 5 ديسمبر - 22:40 | المشاركة رقم: 1 | |||||||||||||||||||||||||||||||||||||||||||||||||||||||||||||||||||||||||||||||
العناية بالشعر ماسك تنعيم وتطووويل الشعر الماسك ده انا وعدتكم انى اكتبه ليكم بالتفصيل والطقوس اللى بعملها وكل حاااااااجه الماسك ده مش بس بيطول لان فى قاعده عامه ان اللى بيطول بيتقل واللى بيتقل بيطول بس الماسك ده ليه نتيجه جبارة فى تطويل الشعر وتقدروا تعرفوها لما تقيسوا طول الشعر قبل ما تستخدموه وبعد شهر من استخدامه ده غير انه مليان بروتين وفيتامينات مهمه ومغذيه جداااااااا للشعرانا بقالى مده تزيد عن 6 شهور بستخدمه وبجرب زيادات واشيل مكونات لحد ماتوصلت لاخر شكل ليه اللى هو فعلااااااا جاب من الاخر فى النعومه والتغذيه والطول والتقل كمان بجد ووووووهمى وطبعا لسه بستخدمه وهستخدمه على طول لحد ما اوصل للطول اللى انا عايزاه والمكونات هى المكونات 2 حبه افوكادو +2 موزة +1او2كيوى + 2 معلقه كبيرة نخاع + 3 معالق كبيرة اى نوع زيت يعنى زيت زيتون او لوز حلواو جوزهند او زيت صويا + 2 معلقه زبده صفرا (اختيارى) + 1 معلقه كبيرة عسل نحل(اختيارى) كبسولتين 1000 فيتامين e (اختيارى) + 2معلقه صغيرة اى نوع كريم تصفيف (مينك او هيمالايا) 1 او 2 معلقه كريم تصفيف انا بستخدم مينك زيت جوز هند ا او 2 كبسوله فيتامين e زيت خروع الطريقه : بتخلطى كل المكونات فى الخلاط وممكن معلقه لبن كبيرة عشان يتضربوا المهم انهم يتضربوا باقل كميه زيت ولبن والخليط يبقى كريمى كدا ما عدااا كريم تصفيف الشعر وبعدين بتشيليه فى علبه فاضيه وقبل ما تستخدميه بتقلبى نصف معلقه كريم على الكميه الى هتستخدميها اللىى غالبا هتكون ربع الكميه بس يفضل ان خلط الكريم يكون قبل الاستخدام وممكن تحطيه مع الخليط برضه والماسك بيتحط على الشعر وفروة والراس لمده من 4 ل 6 ساعات وتلبسى كيس بلاستيك وبيتعمل مرة فى الاسبوع اول شهر بعد كده مرة كل اسبوعيين تانى شهر بيغذى وبيعالج الشعر جداا والكميه دى بتكفى كذا مرة بس هتفرق على حسب طول وتقل شعر كل فتوكه بس غالبا بتكفى شهر كامل بمرة فى الاسبوع وبيكلف تقريبا 15 جنيه بس الماسك ده فيه نسبه بروتين وكراتين وفيتامينات عاليه جدااااا والجميل بقى فى الماسك ده واللى هيعجب كل الفتوكات انه ممكن تخزنيه فى الفريزر لمده شهر فبيبقى عندك ماسك طبيعى تستخدميه كل مرة قبل الشاور بتاعك ومفيش مشكله خاااااالص من انك تحطيه على شعرك وهو مدهون زيت او كريم وده لانك بتحطى كيس بلاستيك وبتعرضيه لحرارة السيشوار او لو مش عندك بتحطى ايشارب فوق الكيس لان اى ماسك او حمام زيت بيعمل مفعوله فى وجود السخونه الفتوكات اللى شعرهم دهنى بيستغنوا عن خطوة الزبده والكريم وبيحطوا الماسك بعيد عن الفروة ب 4 سم كدا اما اللى شعرهم عادى او جاف بيحطوه عادى جدا على الفروة والشعر لانه بيغذى جدااااا وده شكل الماسك وهو طالع من الفريزر لانى زى ماقولتلكم بحفظه في باب الفريزر بتكون الطبقه اللى فوق اغمق حاجه بسيطه بس لما بيتقلب بيبقى لونه فاتح زى اللون اللى شايفينه في الصورة اللى بعدها جربوه بجد جمييييييييييل جدااا وخصوصا لتطويل وتنعيم الشعرر وياريت اللى يعجبها الموضوع تقيم وليكم منى كل الحب والتقدير | |
|
أعلانات نصية | |
أعلانات المنتدى | |
مركز رفع الصور لمنتديات مسرووور | إعــــــــــلان | إعــــــــــلان | إعــــــــــلان |